أزاح أمير عبدالحميد، حارس النادي الأهلي السابق، الستار عن مفاجأة بشأن طلبه العمل في النادي الأهلي بعد اعتزاله ولكنه لم يلقى الترحاب من المتواجدين في قطاعات الكرة بذلك التوقيت.

وقال أمير عبدالحميد في تصريحات تليفزيونية عبر شاشة «إم بي سي مصر»: «فؤجت برفض طلبي عمل في قطاعات الناشئين بالنادي الأهلي، والناس اللي كانت ماسكه وقتها مش من ولاد النادي».

وأضاف: «اتقالي انت مش معاك شهادات وبالتالي العمل صعب، بعدها سافرت واتعلمت عشان أحصل على شهادات، ولما رجعت لقيت عدم ترحاب من الناس اللي موجودة على الرغم من أن الناس اللي كانت ماسكه وقت طلب الأول مشيت».

وأكمل: «قررت بعدها إني أبعد عن النادي الأهلي، وروحت اشتغلت في أندية البنك الأهلي والإنتاج الحربي، وبعدها مسكت المنتخب، بس أنا ملقتش تقدير لما روحت الأهلي، أنا لاعب خدت 27 بطولة مع الأهلي».

وأردف حارس الأهلي السابق: «متأكد أني في يوم من الأيام هرجع النادي الأهلي من تاني، لأن ده بيتي اللي اتربيت فيه وعمري متأخرت عن أي وقت، بس مفهمتش سبب استبعادي أو عدم الترحاب بي وقتها».

وواصل: «الطبيعي أني كنت أدخل النادي الأهلي، وكنت زعلان أن في ناس بطلت ودخلت النادي الأهلي تاني يوم، وكان مفروض لما مسكت الأكاديمية بعدها أدخل القطاع جوه».